لاہور (ا ین این آئی) لاہور الیکٹرک سپلائی کمپنی (لیسکو) نے دوران ڈیوٹی وفات پانے والے افسران و ملازمین کے لئے پیکج کا اعلان کر دیا، افسران و ملازمین کو 20سے 70لاکھ روپے کا پیکج دیا جائے گا ، اطلاق 15فروری سے ہو گا ۔تفصیلات کے مطابق لیسکو نے وزیر اعظم اسسٹنٹ پیکج کا نوٹیفکیشن جاری کر دیا ہے جس کے مطابق دوران ڈیوٹی وفات پانے والے افسران و ملازمین

کو 20سے 70لاکھ روپے تک کا پیکج دیا جائے گا ۔گریڈ 1سے 8تک کے ملازمین کو 20لاکھ روپے ، گریڈ 9سے 16تک کے ملازمین کو 50لاکھ روپے اور گریڈ 17سے 20تک کے افسران کو 70لاکھ روپے ملیں گے ۔نوٹیفکیشن کے مطابق پیکج کا اطلاق 15فروری سے ہو گا اور صرف دوران ملازمت انتقال کرنے والے افسران و ملازمین کے اہل خانہ کو پیکج ملے گا ۔