اسلام آباد (مانیٹرنگ ڈیسک)پاکستان پیپلزپارٹی کے قتل ہونے والے رہنما و صوبائی وزیر میر ہزار خان بجارانی کی اہلیہ سے متعلق انکشاف ہوا ہے کہ وہ شعبہ صحافت سے وابستہ تھیں اور صحافتی حلقوں میں جانی پہچانی جاتی تھیں۔ میر ہزار خان بجارانی کی اہلیہ فریحہ رزاق سابق ایم پی اے تھیں اور صحافت کے شعبہ سے بھی منسلک رہیں۔ نجی ٹی وی جیو نیوز کے مطابق وہ جنگ گروپ میں ڈائریکٹر پبلک ریلیشنز
بھی رہ چکی ہیں۔واضح رہے کہ کچھ دیر قبل میڈیا پر سابق صوبائی وزیر میر ہزار خان بجارانی اور ان کی اہلیہ فریحہ رزاق کی لاشیں ڈیفنس میں واقع ان کی رہائش گاہ سے ملنے پر کھلبلی مچ گئی ہے۔ وزیراعلی سندھ مراد علی شاہ اور وزیر داخلہ سندھ انور سیال اور دیگر اعلیٰ حکام خبر ملتے ہی جائے وقوعہ پر پہنچ گئے۔ بتایا جاتا ہے کہ میر ہزار خان بجارانی اور ان کی اہلیہ کو گولیاں مار کر ہلاک کیا گیا ہے۔
