اسلام آباد(مانیٹرنگ ڈیسک)زینب قتل کیس کے سلسلے میں کئی افراد کا ڈی این اے ٹیسٹ کیا گیا تھا انہی میں سے ایک مقامی پیر بھی تھے جن کو ڈی این اے ٹیسٹ کیلئے لے جایا گیا تھا جس کے بارے میں معلوم ہوا ہے کہ اس نے اپنے کمرے میں پنکھے سے لٹک کر خودکشی کر لی ہے ۔واقع کا علم ہونے پر پولیس موقع پر پہنچ گئی اور لاش کو ڈی ایچ کیو ہسپتال منتقل کر دیا گیا۔جب کہ پولیس اس سے متعلق تفتیش بھی کر رہی ہے۔شبیر کے اہل خانہ کا کہنا ہے
کہ شبیر کو زینب قتل کیس میں پولیس نے گرفتار کیا تھا۔شبیر کے بھتیجے عمر شبیر کا کہنا تھا کہ ڈی این اے ٹیسٹ لینے کے دس دن بعد شبیر بابا عرف چھنی پیر کو رہا کیا گیا تھا۔جس کی وجہ سے وہ شدید پریشانی کا شکار تھا اور دلبرداشتہ ہو کر خودکشی کر لی۔اہلخانہ کا کہنا ہے کہ جب وہ وضو کرنے کے لئے گئے تو ہم سمجھے کہ وہ اپنی معمول کی عبادت کے لئے گئے ہیں تا ہم انہوں نے خودکشی کر لی۔پولیس نے واقعے کی تفتیش کاآغاز کردیا ہے۔
