لاہور(سی پی پی )پاکستان عوامی تحریک کے سربراہ ڈاکٹرطاہرالقادری کاکہناتھاکہ حکمرانوں کا خوف درست ہے ، وہ جانیوالے ہیں، حکمرانوں کوخالی کرسیاں بھی کام کرتے دکھائی دیتی ہیں، ن لیگ کاجڑانوالہ کاجلسہ ناکام ہوگیا۔تفصیلات کے مطابق اتوار کو پریس کانفرنس سے خطاب کرتے ہوئے انہوں نے کہاکہ حکمرانوں کااقتدارختم ہونیوالاہے ، نوازشریف پاکستان کی سالمیت کے بہت بڑے دشمن ہیں، نوازشریف کوخواب میں بھی طاہرالقادری نظرآتے ہیں

تاہم احتجاج کی حکمت عملی کوبیوقت کی راگنی نہیں بناناچاہتے،احتجاج کے حق کومحفوظ کرلیا کراچی کی طرح لاہورمیں بھی بیشمارراوانوارہیں ،لاہورکے راو انواروں کیخلاف نوٹس لیا جائے، ماڈل ٹاون میں 14بے گناہ شہریوں کو قتل کیاگیا، یکطرفہ گولیاں چلائی گئیں اور منصوبے کے تحت لاشیں گرائی گئیں۔انہوں نے کہاکہ سپریم کورٹ لاہورکے راوانوارکیخلاف ایکشن لے، ریاست کوشہریوں کے قتل وعام کی اجازت نہیں دی جاسکتی۔