اسلام آباد(مانیٹرنگ ڈیسک)ہمیں پتہ چل چکا ہے کہ ڈاکٹر شاہد مسعود نے زینب کے قاتل عمران سے متعلق جھوٹی خبر کس کے کہنے پر دی اور اس کے پاس جو ثبوت ہیں وہ کہاں سے آئے، صوبائی وزیر قانون رانا ثنا اللہ کی نجی ٹی وی پروگرام میں گفتگو۔ تفصیلات کے مطابق نجی ٹی وی آج نیوز کے پروگرا’’جی فار غریدہ‘‘میں خاتون اینکر غریدہ فاروقی کے سوال کا جواب دیتے ہوئے صوبائی وزیر قانون رانا ثنا اللہ کا کہنا تھا کہ ہمیں پتہ چل چکا ہے کہ ڈاکٹر شاہد مسعود

نے زینب کے قاتل عمران کے بینک اکائونٹس اور بین الاقوامی مافیا سے تعلق اور وفاقی وزیر کی اس معاملے میں انوالومنٹ کی جھوٹی خبر کس کے کہنے پر دی ہے اور اس کے پاس جو ثبوت ہیں جن کا وہ دعویٰ کر رہا ہے وہ کہاں سے آئے ہیں۔ خاتون اینکر نے جب رانا ثنا اللہ کو کہا کہ وہ اس سورس کا نام لیں جہاں سے ڈاکٹر شاہد مسعود کو یہ خبر فیڈ ہوئی جس پر رانا ثنا اللہ کا کہنا تھا کہ مجھے نام لینے کی ضرورت نہیں کل سپریم کورٹ میں سب پتہ چل جائے گا۔

موضوعات:ڈاکٹر شاہد مسعود رانا ثنا اللہ غریدہ فاروقی