لاہور (آن لائن) عوامی مسلم لیگ کے سربراہ شیخ رشید کی نا اہلی کیلئے لاہور ہائیکورٹ سے رجوع کر لیا گیا اور درخواست میں شیخ رشید کے استعفیٰ دینے کے اعلان سے منحرف ہونے کو بنیاد بنایا گیا ہے۔مقامی شہری مرزا محمد صادق نے راشد رانا ایڈوکیٹ کے توسط سے لاہور ہائیکورٹ میں ایک درخواست دائر کی جس میں شیخ رشید کے اعلان کے باوجود استعفی نہ دینے کے اقدام کو چیلنج کیا گیا ہے۔ درخواست گزار نے نشاندہی

کی کہ شیخ رشید نے اپوزیشن کے جلسے میں استعفیٰ دینے کا اعلان کیالیکن اب استعفیٰ دینے سے انکار کر دیاہے درخواست گزار نے نکتہ اٹھایا کہ رکن قومی اسمبلی شیخ رشید نے استعفیٰ دینے کے بارے میں عوام سے جھوٹ بولا اور اب وہ صادق اور امین نہیں رہے۔ درخواست گزار کے مطابق غلط بیانی پر شیخ رشید آئین کے آرٹیکل 62 اور 63 پر پورا نہیں اترے اس لیے شیخ رشید کو قومی اسمبلی کی رکنیت سے نااہل قرار دیا جائے۔