اسلام آباد (مانیٹرنگ ڈیسک) پاکستان تحریک انصاف کے رکن اسمبلی داور کنڈی نے کہا ہے کہ ارکان اسمبلی کے استعفے جمع کرانے سے متعلق عمران خان نے غلط بیانی کی ٗ پرویز خٹک اور ان کی کابینہ نے استعفے دینے سے انکار کیا ہے ٗعمران خان ارکان پارلیمنٹ کو

سیاسی نوٹنکی سمجھتے ہیں۔تفصیلات کے مطابق پاکستان تحریک انصاف کے چیئرمین عمران خان نے گزشتہ روز دعویٰ کیا تھا کہ تمام ارکان اسمبلی نے ان کے پاس استعفے جمع کروا دیئے ہیں جس پر مشاورت کے بعد اسمبلیوں سے مستعفی ہونے کا حتمی فیصلہ کریں گے۔میڈیا سے بات چیت کرتے ہوئے داور کنڈی نے کہا کہ پرویز خٹک پشاور میٹرو سمیت مختلف جاری منصوبے مکمل کرنا چاہتے ہیں، ترقیاتی منصوبے مکمل نہ ہوئے تو پی ٹی آئی کی انتخابی مہم متاثر ہو سکتی ہے۔انہوں نے کہا کہ تحریک انصاف کے کسی رکن اسمبلی نے عمران خان کو استعفے جمع نہیں کرائے۔انہوں نے کہا کہ سی ای سی اجلاس میں شاہ محمود، چودھری سرور، محمودالرشید کا نہ آنا اختلافات کا عندیہ ہے۔واضح رہے کہ انکوائری کے مطالبے پر عمران خان نے ایم این اے داور کنڈی کو شوکاز دیا تھا ٗ داور کنڈی نے ڈیرہ اسماعیل خان واقعہ کی آزادانہ انکوائری کا مطالبہ کیا تھا۔ پاکستان تحریک انصاف کے رکن اسمبلی داور کنڈی نے کہا ہے کہ ارکان اسمبلی کے استعفے جمع کرانے سے متعلق عمران خان نے غلط بیانی کی