ملتان (این این آئی)ملتان میں پاگل کتے نے حملہ کر کے بہاؤالدین زکریا یونیورسٹی کے 8طالبات کو زخمی کر دیا۔ بدھ کو بہاؤالدین زکریا یونیورسٹی میں پاگل کتے نے حملہ کرتے ہوئے 8طالبات کو زخمی کر دیا، طالبات کوفوری طور پر نشتر ہسپتال کے ایمرجنسی وارڈ میں منتقل کر دیا گیا،کتے کے کاٹنے کی خبر سنتے ہی یونیورسٹی طلباء کی بڑی تعداد ہسپتال پہنچ گئی، حملے میں زخمی ہونے والی
طالبات نے بعد ازاں اپنے بیان میں کہا کہ یونیورسٹی کے سیکیورٹی اہلکار خاموش تماشائی بنے رہے، طالبات نے خود بھاگ کر اپنی جان خود بچائی اور اپنی مدد آپ کے تحت ہسپتال پہنچی۔اس سے قبل بھی طالب علموں نے یونیورسٹی انتظامیہ سے یونیورسٹی میں موجود پاگل کتوں کی موجودگی پر آگاہ کیا تھا لیکن انتظامیہ نے کوئی خاطر خواہ اقدامات نہ کئے۔
