فیصل آباد(این این آئی) وزیر مملکت برائے داخلہ طلال چوہدری نے کہا ہے کہ پاکستان کی تاریخ میں ہمیں بابا رحمت نہیں ملا اور جب بھی ملا بابا زحمت ہی ملا۔فیصل آباد کے سرکٹ ہاؤس میں پریس کانفرنس کرتے ہوئے طلال چوہدری نے کہا
کہ ہم بابارحمت کیلئے آنکھیں بھی بچھائیں گےاور عزت بھی کریں گے لیکن پاکستان کی تاریخ میں ہمیں بابا رحمت نہیں ملا، جب بھی ملا بابا زحمت ہی ملا، آمروں کو قانونی حیثیت بابا رحمت نہیں دے سکتا وہ بابازحمت نے دی ہے۔وزیر مملکت نے کہا کہ ملک ٹوٹااور اسے توڑنے والوں کا کوئی احتساب نہیں ہوا، یہاں پر آمروں کو فیصلوں میں جائز قرار دیا گیا، پاکستان کے ساتھ غلط کرنے والوں کو بھی چوک اور چوراہوں پر لٹکایا جائے، بڑے بڑے سوموٹو ہونے چاہئیں تاکہ لوگوں کو انصف ملے۔شہبازشریف کی پریس کانفرنس پر خورشید شاہ کی تنقید کے جواب میں طلال چوہدری نے کہا کہ زینب کے قاتلوں کو جس نے پکڑا ان کے لیے تالیاں بجیں گی ،عاصمہ اور نقیب کے قاتلوں کو پکڑیں ان کے لیے بھی تالیں بجائی جائیں گی۔وزیر مملکت نے کہا کہ جو کہتے ہیں استعفے ان کی جیب میں ہیں ان کا ہاتھ کس کی جیب میں ہے؟ پہلے بھی عمران خان نے جعلی استعفیٰ دیا تھا ٗاستعفے اسمبلی کے فلور پر دیں، جو استعفیٰ دے گا وہ اپنی سیاست کے پاؤں پر کلہاڑی مارے گا۔ ٗاستعفے اسمبلی کے فلور پر دیں، جو استعفیٰ دے گا وہ اپنی سیاست کے پاؤں پر کلہاڑی مارے گا۔
