میرپورخاص(مانیٹرنگ ڈیسک)سو ل جج کی بیوی بچوں سمیت انصاف کے لیے پر یس کلب پہنچ گئی، میری اجازت کے بغیر دوسری شادی رچا لی ،خرچہ دینے سے بھی انکاری ہے، انصاف نہ ملا تو سندھ ہائی کورٹ کے سامنے بچوں سمیت خود سوزی کر لو ں گی یہ بات سانگھڑ کی رہاشی ریحانہ راجپوت نے اپنے بچوں سمیت میرپورخاص پر یس کلب میں پر یس کانفرنس کرتے ہوئے صحافیوں کو بتائی اس موقع ان کے بچے نو سالہ بیٹی ایمان،آٹھ سالہ

بیٹا عمر ،اور پانچ سالہ بیٹی ایمن ریحانہ کے والد اور والدہ بھی موجود تھے ریحانہ راجپوت نے کہا میرے شوہر محمد عابد جو کہ سول جج سانگھڑ ہیں انہوں نے اپنے والد شمشا د راجپوت کے ساتھ مل کر مجھے بے پنا ہ تشد د کا نشانہ بنایا او ر عطائی ڈاکٹر کے زریعے مجھے نیند کے انجیکشن لگوا کر دوسری شادی کی اجازت چا ہی میرے منع کرنے پر مجھے طلاق دینے کی دھمکی دے کر میرے والدین کو بلایا اور مجھے میرے تینوں بچوں کے ہمراہ زبردستی دھکے دے کر گھر سے نکال دیا تب سے تقریبا ڈیڈہ ماہ سے میں اپنے والدین کے گھر میرپورخاص کے علاقے مغل اعظم ٹاون میں رہ رہی ہوں انہوں نے الزام عائد کیا کہ مورخہ 8.1.2018کو میرے جج شوہر نے میری اجازت کے بغیر شازیہ ولد خالد اقبال سے دوسری شادی رچا لی ہے جب میرے علم میں یہ بات آئی تو میں نے ان سے اپنی رہاش اور بچوں کے خرچے کا مطالبہ کیا جس پر انہوں نے نہ صرف انکار کیا بلکہ مجھے میرے گھر والوں اور میرے بھائی ایاز احمد راجپوت جو کہ ڈگری کالج کنری میں لیکچرار ہے کو پولیس مقابلے میں مروانے اور نوکری سے برطرف کرنے کی دھمکیاں دے رہا ہے انہوں نے چیف جسٹس سپریم کورٹ ،چیئرمین ہیومین رائیٹس کمیشن ،چیف جسٹس سندھ ہائی کورٹ سے انصاف کی اپیل کی ہے۔ سو ل جج کی بیوی بچوں سمیت انصاف کے لیے پر یس کلب پہنچ گئی، میری اجازت کے بغیر دوسری شادی رچا لی ،خرچہ دینے سے بھی انکاری ہے،