اسلام آباد(مانیٹرنگ ڈیسک) عمران خان اور بشریٰ مانیکا کی شادی کی خبریں میڈیا کی زینت کیا بنیں، اپنے حمایت اور مخالف طنز اور تنقید کے نشتر کپتان پر برسانے لگ گئے، روحانی شخصیت جسے پیشوا مانا جائے اس پر ایسی نظر رکھنا اچھا نہیں، دماغ کا خلل ہی کہا جا سکتا ہے، صوبائی صدر اے این پی سندھ شاہی سید، اچھی بات ہے شادی کرنا ابھی الیکشن سے پہلے ایک اور شادی بھی سامنے آگئی،
وفاقی وزیر دفاعی پیداوار رانا تنویر کا ردعمل۔ تفصیلات کے مطابق عمران خان اور بشریٰ مانیکا کی شادی کی خبریں میڈیا کی زینت کیا بنیں ایک طرف تو کپتان کے حمایتیوں نے میدان سجا لیا اور ان کے دفاع میں خم ٹھونک کر سامنے آچکے ہیں جن میں پیش پیش عوامی مسلم لیگ کے سربراہ شیخ رشید احمد ہیں تو دوسری جانب مخالف کی طنز اور تنقید کے نشتر لے کر میدان میں پہنچ چکے ہیں۔ نجی ٹی وی جیو نیوز کی رپورٹ کے مطابق شیخ رشید نے پرویز خٹک کے ساتھ پریس کانفرنس میں کپتان کی تیسری شادی کا دفاع کرتے ہوئے کہا ہے کہ شادی کرنا عمران خان کا حق ہے، اگر وہ شادی کرتے ہیں تب کسی کو کیا اعتراض اور اگر نہیں کرتے تب بھی کسی کو کیا اعتراض۔ کپتان پر طنز اور تنقید کے نشتر برسانے والوں میںصوبائی صدر اے این پی سندھ شاہی سید بھی شامل ہیں۔ حیدر آباد میں پریس کانفرنس کے دوران کپتان کی تیسری شادی کے حوالے سے اپنے ردعمل میں شاہی سید کا کہنا تھا کہ عمران خان کا حق ہے کہ وہ شادی کریں، دعا ہے کہ اللہ انہیں اچھی بیوی دے، عمران خان شادیاں تو کر رہے ہیں لیکن اپنی خامیوں کے بارے میں بھی سوچیں ، جس کو روحانی پیشوا مانا جائے اور پھر اس پر ایسی نظر رکھنا اچھی بات نہیں اس کو دماغ کا خلل ہی کہا جا سکتا ہے، ن لیگ کے رہنما اور وفاقی وزیر دفاعی پیداوار رانا تنویر سے جب صحافی نے عمران خان کی تیسری شادی سے متعلق
سوال پوچھا تو رانا تنویر اپنی مسکراہٹ دباتے ہوئے گویا ہوئے کہ اچھی بات ہے شادی کرنا ، ابھی الیکشن سے پہلے ایک اور شادی بھی سامنے آنے والی ہے۔
