اسلام آباد(مانیٹرنگ ڈیسک)پاکستان کے موقر قومی اخبار روزنامہ 92کی رپورٹ کے مطابق بنکنگ کورٹ نمبر 4لاہور کی عدالت نے وزیراعلیٰ پنجاب شہباز شریف کے داماد عمران علی یوسف کو 18جنوری کو طلب کر لیا ہے۔ بتایا گیا ہے کہ یو بی ایل کی برانچ ڈیوس روڈ نے اپنے وکیل کی وساطت سے وزیراعلیٰ پنجاب کے داماد عمران علی یوسف کے خلاف 26کروڑ روپے کی ریکوری

کا دعویٰ دائر کر رکھا ہے جبکہ شریف خاندان کے ذرائع کا کہنا ہے کہ عمران علی یوسف نے مذکورہ بینک کو 26کروڑ نہیں بلکہ اڑھائی کروڑ روپے ادا کرنے ہیں۔ روزنامہ خبریں کی رپورٹ کے مطابق یونائٹڈ بینک ڈیوس روڈ برانچ کی جانب سے وزیراعلیٰ پنجاب کے داماد عمران علی یوسف کو اڑھائی کروڑ روپے کا نا دہندہ قرار دیا گیا ہے۔ بینک کی طرف سے احسن مسعود ایڈووکیٹ نے عمران خان یوسف کے خلاف ریکوری کا دعویٰ بینکنگ کورٹ نمبر 4میں دائر کیا ہے۔ بینک کے وکیل نے عدالت سے استدعا کی ہے کہ عمران علی یوسف نے بینک سے اڑھائی کروڑ روپے کی رقم بطور قرض لی لیکن بعد میں رقم واپس نہ کی گئی، عمران علی یوسف کو متعدد بار رقم جمع کرانے کی مہلت دی لیکن بینک کو رقم نہ دی گئی جس پر عدالت میں دعویٰ دائر کی جا رہا ہے لہٰذا عدالت عمران علی یوسف سے رقم دلوائے۔ عدالت نے دعوے پر احس مسعود ایڈووکیٹ کی ابتدائی بحث کے بعد عمران علی یوسف کو نوٹس کرتے ہوئے 28جنوری کو طلب کر لیا ہے۔