لاہور(نیوز ڈیسک) وزیراعلی پنجاب محمد شہبازشریف کی زیر صدارت ایوان وزیراعلی میں علماء کنونشن کا انعقاد ہوا، جس میں صوبائی وزراء، اراکین اسمبلی اور ملک بھر سے تمام مکاتب فکر سے تعلق رکھنے والے جید علماء کرام نے شرکت کی، وزیراعلٰی نے ختم نبوت کے مسئلے اور امریکی صدر کے ٹویٹ پر پرجوش اور مدلل تقریر کی، صوبائی وزیر قانون رانا ثناء اللہ نے کنونشن سے خطاب کرتے ہوئے کہاکہ ختم نبوت میرے ایمان کا بنیادی جزو ہے، ختم نبوت پر ایمان نہ رکھنے والا دائرہ اسلام سے خارج ہے، انہوں نے

قادیانیوں کو کافر اور غیر مسلم قرار دیتے ہوئے کہا قادیانی دین اسلام کے اندر فتنے کا سبب ہیں، علماء کرا م نے پنجاب کی ترقی کے حوالے سے وزیراعلٰی شہباز شریف کے اقدامات کو زبردست انداز میں خراج تحسین پیش کرتے ہوئے کہاکہ علماء کے کنونشن کا انعقاد خوش آئند امر ہے۔ تمام مکاتب فکر سے تعلق رکھنے والے علماء نے علماء کانفرنس 2018 میں رانا ثناء اللہ کے حق میں بیان دے دیا۔ علماء انتشار پھیلانے والوں کے خلاف یک زبان ہو کر ملک کی سا لمیت کے لیے حکومت کے ساتھ شانہ بشانہ کھڑے ہو گئے۔