کراچی(سی پی پی ) سربراہ پاک بحریہ ایڈمرل ظفر محمود عباسی نے کہا ہے کہ پاک چین بحری تجارت میں آئندہ چند برسوں میں مزید اضافہ ہوگا جبکہ سی پیک منصوبہ پاکستان کوعلاقائی تجارتی مرکز میں بدل دے گا، جہازسازی کامنصوبہ پاک چین دوستی کامظہر ہے، خصوصی اقتصادی زون سے پاک بحریہ کی ذمہ داریوں میں اضافہ ہوا۔

کراچی میں پاکستان اور چین کے تعاون سے بننے والے بحری جہاز کی لانچنگ تقریب سے خطاب کرتے ہوئے پاک بحریہ کے سربراہ ایڈمرل ظفر محمود عباسی نے کہا کہ جہاز سازی کا منصوبہ پاک چین دوستی کی اعلی مثال ہے اور پاک چین بحری تجارت میں آئندہ چند برسوں میں مزید اضافہ ہوگا، پٹرولنگ جہاز سرچ اینڈ ریسکیو آپریشن کی مکمل صلاحیت رکھتا ہے جب کہ جہاز کو آج مختلف ٹیسٹ کے لیے سمندر میں اتارا جارہا ہے، جہاز پاک میری

ٹائم کے لیے چین کے تعاون سے تیار کیا گیا ہے۔سربراہ پاک بحریہ ایڈمرل ظفر محمود عباسی نے کہا کہ گزشتہ برسوں میں میری ٹائم نے بہت سی اہم کامیابیاں حاصل کی ہیں تاہم جدید تقاضوں کے مطابق میری ٹائم کی استعداد بڑھانے کی ضرورت ہے جب کہ سی پیک منصوبہ پاکستان کوعلاقائی تجارتی مرکز میں بدل دے گا۔نیول چیف ایڈمرل ظفر محمود عباسی نے کہا کہ جہازسازی کامنصوبہ پاک چین دوستی کامظہر ہے، خصوصی اقتصادی زون سے پاک بحریہ کی ذمہ داریوں میں اضافہ ہوا۔