اسلام آباد(این این آئی)آل پاکستان مسلم لیگ کے سربراہ ٗ سابق صدر جنرل ریٹائرڈ پرویزمشرف نے کہاہے کہ جمہوریت کا حمامی ہوں لیکن ملک میں الیکشن نہیں سلیکشن کی ضرورت ہے ٗریاست کیلئے جمہوریت اور آئین کو قربان کیا جاسکتا ہے۔ ایک انٹرویومیں انہوںنے کہاکہ انہیں پاکستان میں الیکشن ہوتے نظر نہیں آرہے ہیں اور ان کی خواہش بھی یہی ہے کہ ایسا نہ ہوجس کی وجہ انہوں نے یہ بتائی، الیکشن ہوئے اور پھر وہی 2جماعتیں آگئیں تو ملک پرظلم ہوگا،یہ جماعتیں جے آئی ٹیز، نیب اور عدالتوں کو چلنے نہیں دیں گی۔سابق صدر نے کہا کہ لشکر طیبہ

بھی الیکشن میں آنا چاہتی ہے تو اچھی بات ہے،کشمیر میں سب سے زیادہ قربانیاں لشکر طیبہ نے ہی دی ہیں ٗپرویز مشرف نے حافظ سعید کی بھی خوب تعریفیں کیں۔سابق صدر نے جمہوریت اور آئین کے مقابلے میں ریاست کو ترجیح دیتے ہوئے کہا کہ وہ سب سے پہلے پاکستان کی بات کرتے ہیں۔پرویز مشرف نے کہا کہ سپریم کورٹ عبوری حکومت بنانے کیلئے اختیار دیاور اگر عبوری حکومت بنی تو وہ اس کی مدد کریں گے۔انہوں نے کہا کہ امریکا کی ہاں میں ہاں ملانے کے بجائے ہمیں افغانستان میں بیٹھے فضل اللہ کی حوالگی کا مطالبہ کرنا چاہئے۔

موضوعات:پرویز مشرف