سکھر(این این آئی)جمعیت علماء اسلام کے مرکزی امیر و قومی کشمیر کمیٹی کے چیئرمین مولانا فضل الرحمن نے امریکہ کی جانب سے پاکستان کے خلاف الزام تراشی اور پشاور دہشت گردی کے واقع کی شدید الفاظ میں مذمت کرتے ہوئے کہا ہے کہ دونوں کی کڑیاں ملتی ہیں قوم ملک دشمن قوتوں کے ارادوں کو مٹی میں ملا دیگی پشاور حملہ آواروں کاافغانستان سے آکر حملہ کرنا ثابت کرتا ہے کہ دہشت گردی میں امریکہ ملوث ہے سکھر میں جے یو آئی سندھ کے ایڈیشنل انفارمیشن سیکریٹری مولانا عبدالحق کے جاری کردہ بیان میں
ان خیالات کا اظہار انہوں نے ڈی آئی خان سے سندھ کے جنرل سیکریٹری علامہ راشد محمود سومرو ، آغا سید محمد ایوب شاہ ، مفتی سعود افضل ہالیجوی ، مولانا عبدالحق مہر و دیگر سے ٹیلی فون پر گفتگو کے دوران کیا مولانا فضل الرحمن کا مزید کہنا تھا کہ سی پیک منصوبہ ملکی ترقی و خوشحالی اور استحکام کا منصوبہ اور خطے کیلئے گیم چیلنچز ہے جو کہ امریکہ اور مغربی استعماری قوتوں کی غلام سے مکمل آزادی کی طرف جاتا ہے اسلئے ملک کو نشانہ بنایا جا رہا ہے انہوں نے کہا کہ ملک اس وقت عالمی استعماری قوتوں سے آزادی کی جنگ لڑ رہا ہے اس جنگ میں ریاست کیساتھ کھڑے ہیں قوم کو دوبارہ استعماری قوتوں کی غلامی کے دلدل میں دھکیلنے والوں کو ناکام بنا دینگے سیاسی قوتیں کو وقت حساسیت اور قومی مفادات کو ترجیح دینا ہوگی اور جمہوریت کے چمپئن جمہورت کو تماشہ مت بنائیں ادارے سیاست کرینگے تو ریاست کمزور ہو گی ہم سب کو آئین کے دائرے میں رہ کر کام کرنا چاہئے دھرنا کلچر کو فروغ دیکر پارلیمنٹ اور آئین کو کمزور کرنا یہ سامراجی ایجنڈو ہے ، پی ٹی آئی غیر ملکی ایجنڈے اور طریقہ سے اقتدار میں آئی مگر ان کی یہ حسرت ناتمام رہے گی مولانا فضل الرحمن نے مزید کہا کہ عمران خان سندھ میں سو جلسے کر کے بھی لاڑکانہ جلسہ کا مقابلہ نہیں کر سکتا مگر افسوس کے میڈیا کے دوستوں نے بھی ہمارے ساتھ انصاف نہیں کیا انہوں نے کہا پشاور ، کوئٹہ اور لاڑکانہ کے ہمارے جلسوں میں لاکھوں عوام کی شرکت تبدیلی کا پیغام ہے اور ہم پر اعتماد کا اظہار ہے مولانا فضل الرحمن نے چیلنج کیا کہ عمران خان مجھے عدالت لے جائیں میں ان کی ناک کاٹ کر رکھ دونگاْ ۔
