لاہور (مانیٹرنگ ڈیسک) سپریم کورٹ بار ایسوسی ایشن کی سابق صدر عاصمہ جہانگیر نے کہاہے کہ احتساب برابری کی سطح پر ہونا چاہیے ،حکومت کس کو کرنی ہے اس کا فیصلہ عوام کرے گی ،سابق وزیر اعظم نواز شریف کا پارٹی صدر بننا عوام کی جیت ہے۔لاہور میں میڈیا سے گفتگو کرتے ہوئے انہوں نے کہا کہ وفاقی وزیر قانون کے استعفے کا کوئی جواز
نہیں۔ کل یہی لوگ پھانسی دینے کا بھی مطالبہ کریں گے۔ انہوں نے کہا کہ لمحہ فکریہ ہے کہ پارلیمنٹ کی مضبوطی کیلئے جمہوری قوتیں اپنا کردار ادا نہیں کر رہیں۔انہوں نے کہا کہ احتساب برابری کی سطح پر ہونا چاہیے۔سپریم کورٹ بار کی سابق صدر نے مزید کہا کہ بے نظیر این آر او سے خوش نہیں تھیں۔ حکومت کس کو کرنی ہے اس کا فیصلہ عوام کرے گی۔
