لاہور (مانیٹرنگ ڈیسک) ہ انتخابات سے قبل پنجاب کے تمام اضلاع کے دورے کروں گی ، جنوبی پنجاب میں موثر انتخابی مہم چلائی جائے گی-سابق وزیر اعظم محمد نواز شریف کی صاحبزادی مریم نواز نے کہا ہے کہ مسلم لیگ (ن) اپنی کارکردگی کی بنیاد پر 2018ء کے انتخابی میدان میں اترے گی ، سیاسی مخالفین کی سازشوں اوررکاوٹیں ڈالنے کے باوجود ملک کو ترقی کی راہ پر گامزن رکھنے میں کوئی کسر اٹھا نہیں رکھی جس کے نتائج توانائی بحران کے خاتمے کی صورت میں قوم کے سامنے ہیں۔ ان خیالات کا اظہار انہوں نے جاتی امراء میں لاہوراور

شیخوپورہ سے تعلق رکھنے والے یوتھ ونگ کے ممبران کے غیر رسمی اجلاس کے دوران گفتگو کرتے ہوئے کیا ۔ مریم نواز نے کہا کہ مسلم لیگ (ن) بھرپور تیاری کیساتھ انتخابی میدان میں اترے گی ۔ عوام کے پاس اپنی کارکردگی لے کر جائیں گے اور عوام بہترین فیصلہ کرنے والے ہیں ۔ایک نجی ٹی وی کے مطابق مریم نواز نے کہا کہ انتخابات سے قبل پنجاب کے تمام اضلاع کے دورے کروں گی ، جنوبی پنجاب میں موثر انتخابی مہم چلائی جائے گی ۔