لاہور(مانیٹرنگ ڈیسک) محکمہ ایکسائز اینڈ ٹیکسیشن نے صوبائی وزیر ہائیر ایجوکیشن رضا علی گیلانی ، رکن قومی اسمبلی عابد رضا اور سابق وزیر اعظم یوسف رضا گیلانی کے صاحبزادے کی گاڑیوں کی غیر نمونہ نمبر پلیٹیں اتار لیں ۔ محکمہ ایکسائز اینڈ ٹیکسیشن نے ٹوکن ٹیکس نا دہندہ اور غیر نمونہ پلیٹوں والی گاڑیوں کیخلاف کارروائی کیلئے گھوڑا چوک ڈیفنس میں ناکہ

لگا رکھا تھا ۔محکمے کے اہلکاروں نے اس دوران صوبائی وزیر ہائیر ایجوکیشن رضا علی گیلانی کی لگژری گاڑی پر لگی ہوئی گورنمنٹ آف پنجاب تحریر کیساتھ LWC-5505نمبر پلیٹیں اتار لیں ۔ کارروائی کے دوران رکن قومی اسمبلی عابد رضا اور سابق وزیر اعظم یوسف رضا گیلانی کے صاحبزادے مجتبیٰ گیلانی کی گاڑیوں کی بھی غیر نمونہ نمبر پلیٹیں اتار لی گئیں۔

موضوعات:صوبائی وزیر ہائیر ایجوکیشن رضا علی گیلانی