لاہور(مانیٹرنگ ڈیسک)3مارچ2009ء کوحملے کے بعد کھلاڑیوں کو بحفاظت اسٹیڈیم پہنچانے والے بس ڈرائیور مہر خلیل نے کرکٹ بورڈ کے رویے پر افسوس کا اظہار کیا ہے ۔مہر خلیل نے پی سی بی سے شکوہ کرتے ہوئے کہا کہ اگر انہیں کسی بھی انٹرنیشنل کرکٹ میچ میں نہیں بلاسکتے تو کم از کم جب سری لنکا کی

کرکٹ ٹیم پاکستان آئی ہے تو انہیں بلا کر سری لنکن ٹیم سے تعارف ہی کرادیا جاتا اور انہیں اعزاز کے ساتھ میچ دیکھنے کی دعوت دی جاتی ۔مہر خلیل نے کہا کہ وہ چاہتے ہیں کہ انہیں جو عزت اس واقعہ کے بعد ملی ہے اسے یادگار بنایا جائے تاکہ دوسرے پاکستانی بھی وطن سے محبت میں ایک دوسرے سے آگے بڑھیں ۔