ملتان(آن لائن)بہاؤالدین زکریا یونیورسٹی منشیات فروشوں کا اڈا بن گیا ، منشیات فروشی میں طلبہ، سکیورٹی گارڈ اور دیگر عملہ شامل ہے،سپیشل برانچ کی جانب سے اعلیٰ حکام کو آگاہ کردیا گیا۔میڈ یا رپورٹس کے مطابق اسپیشل برانچ کی جانب سے اعلی حکام کو پیش کی گئی رپورٹ میں جنوبی پنجاب کی سب سے بڑی بہاوالدین زکریا یونیورسٹی میں منشیات فروشی کا انکشاف ہوا ہے۔منشیات فروشی میں طلبہ، سکیورٹی گارڈ اور دیگر
عملہ شامل ہے۔ ریذیڈنٹ آفیسر راو مقرب کے مطابق رپورٹ موصول ہونے پر تمام ڈیٹا انتظامیہ کو فراہم کر دیا گیا تھا جبکہ یونیورسٹی حکام اپنے طور پر بھی تحقیقاتی کمیٹی تشکیل دے کر کام کر رہے ہیں۔دوسری جانب یونیورسٹی میں منشیات فروشی کے انکشاف کے بعد یونیورسٹی انتظامیہ کا کہنا ہے کہ واقعے کی تحقیقات جاری ہیں اور اگر کوئی بھی ملوث پایا گیا تو اس کے خلاف کاروائی عمل میں لائی جائیگی۔
