اسلام آباد(این این آئی) الیکشن کمیشن نے 32 ارکان قومی اور صوبائی اسمبلی کی رکنیت بحال کردی ہے۔ الیکشن کمیشن نے قومی اور صوبائی اسمبلی کے 32 ارکان کی رکنیت بحال کردی ہے جن میں طارق فضل چوہدری، طلال چوہدری، جی جی جمال،
فہمیدہ مرزا اور محسن شاہ نواز رانجھا شامل ہیں۔الیکشن کمیشن نے بتایا کہ گوشوارے جمع کرانے پر معطل ارکان کی رکنیت بحال کی گئی اور متعلقہ اسمبلیوں کو اس حوالے سے آگاہ کردیا گیا ہے۔ مذکورہ ارکان اب قانون سازی میں حصہ لے سکیں گے۔ بحال کیے گئے ارکان میں
قومی اسمبلی کے 9، پنجاب اسمبلی کے 7، سندھ کے دو، خیبر پختونخواہ اسمبلی کے 13 اور بلوچستان اسمبلی کا ایک رکن شامل ہے۔یاد رہیکہ الیکشن کمیشن نے گوشوارے جمع نہ کرانے کی پاداش میں نوازشریف کے داماد کیپٹین صفدر اورعائشہ گلالئی سمیت 261 ارکان قومی و صوبائی اسمبلیوں کی رکنیت 16 اکتوبر کو معطل کی تھی۔
