اسلام آباد(مانیٹرنگ ڈیسک)کیپٹن صفدر کی قادیانیوں کے خلاف تقریر کے خلاف پاکستان میں کسی نے بات نہیں کی سوائے میرے، میں نے قادیانیوں کیلئے میں نے آواز اٹھائی، بول اور اے آر وائی نیوز جانبدار چینل ہیں،
ہماری بھی جے آئی ٹی چل رہی ہے، سوشل میڈیا پر عامر لیاقت کی مبینہ کال کی ٹیپ لیک کر دی گئی۔ تفصیلات کے مطابق نجی ٹی وی بول نیوز کے اینکر عامر لیاقت کی ایک مبینہ کال کی ٹیپ سوشل میڈیا پر تیزی سے وائرل ہو رہی ہے جس میں عامر لیاقت کسی سلمان نامی آدمی سے گفتگو کرتے ہوئے سنے جا سکتے ہیں۔ عامر لیاقت اس سلمان نامی شخص سے کہہ رہے ہیں کہ سابق وزیراعظم نواز شریف کے داماد کیپٹن(ر)صفدر کی جانب سے قومی اسمبلی میں قادیانیوں کے خلاف تقریر کے خلاف کسی نے بات نہیں کی سوائے میرے، میں نے قادیانیوں کے حق میں آواز اٹھائی۔ کال میں واضح طور پر سنا جا سکتا ہے کہ سلمان نامی شخص کی کسی بات کا جواب دیتے ہوئے عامر لیاقت اسے کہہ رہے ہیں کہ کیا کیا جا سکتا ہے بول اور اے آروائی نیوز جانبدار چینل ہیں ، ہم کچھ نہیں کر سکتے ہماری بھی جے آئی ٹی چل رہی ہے۔ عامر لیاقت کال کے دوران کیا کیا بات کرتے رہے۔۔آپ بھی سماعت فرمائیں!
