سیہون(مانیٹرنگ ڈیسک) پاکستان تحریک انصاف کے چیئرمین عمران خان کو پولیس نے لعل شہبازقلندرمزارپرحاضری سے روک دیا، عمران خان مزارپرحاضری دیے بغیرواپس لوٹ گئے۔تفصیلات کے مطابق اتوار کو سیہون میں جلسے کے بعد پی ٹی آئی چیئر مین عمران خان دیگر پارٹی رہنماؤں کے ہمراہ لعل شہبازقلندر کے مزارپرحاضری دینے گئے توپولیس نے
عمران خان کو مزارکیاندرجانے کی اجازت نہ دی جس پر عمران خان مزارپرحاضری دیے بغیرواپس لوٹ گئے۔بعد ازاں اپنے ٹوئٹر پیغام میں تحریک انصاف کے چیئرمین عمران خان نے کہا کہ ہمارے پہنچنے پر لعل شہباز قلندر کے دربار کا دروازہ بند کیا جانا شرمناک ہے ، ہم احتراماً حاضری دینا چاہتے تھے ۔انہوں نے کہا کہ آصف زرداری تحریک انصاف سے خوفزدہ ہو گئے ہیں۔
