گوجرہ(مانیٹرنگ ڈیسک) زمین پھٹی نہ آسمان سگے امام مسجد باپ نے سگی بیٹی دوبچوں کی ماں کو زیادتی کا نشانہ بنا ڈالا،پولیس نے بیٹے کی مدعیت میں مقدمہ درج کرلیا،زیادتی کا نشانہ بننے والی خاتون کا میڈیکل کروا لیا گیا۔تفصیلات کے مطابق زبیر ٹاؤن گوجرہ کے رہائشی اشفاق الرحمن جو کہ جامع مسجد اہلحدیث صدیق اکبر تاج کالونی گوجرہ کا امام بھی ہے کے بیٹے عطاء الرحمن (طالب علم درس نظامی لاہور مدرسہ)نے

سٹی پولیس کو تحریری درخواست میں موقف اختیار کیا کہ اس کے والد اشفاق الرحمن نے اپنی ہوس کو مٹانے کے لیے اپنی ہی سگی بیٹی صفیہ بی بی جو کہ دو بچوں کی ماں ہے اور طلاق یافتہ ہے کو زبردستی زیادتی کا نشانہ بنایا ہے آئی این پی کے مطابق جس پر سٹی پولیس نے فوری ایکشن لیتے ہوئے ملزم باپ اشفاق الرحمن کو گرفتار کرلیا اور اس کی بیٹی صفیہ بی بی کا طبی معائنہ کروانے کے بعد مقدمہ درج کر لیا ہے۔

موضوعات:امام مسجد