لاہور (مانیٹرنگ ڈیسک) حکمران جماعت کے چیئرمنز اور وائس چیئرمنز کے درمیان اختیارات کی جنگ شدت اختیار کرگئی ،وائس چیئرمینز کے بعد چیئرمینز نے بھی آئندہ کی حکمت عملی طے کرنے کے لئے آج پیر کے روز ٹاؤن ہال میں ہنگامی اجلاس طلب کر لیا۔چیئرمنز کا کہنا ہے کہ ہمارے پاس کوئی اختیارات نہیں ۔ ہمیں جو تین لاکھ روپے ملتے ہیں اس سے دفاتر کے اخراجات اور عملے کی تنخواہیں ادا ہو جاتی ہیں۔ اگر وائس چیئرمنز کو اختیار دینے ہیں تو
حکومت ان کے لیے علیحدہ پالیسی بنائے اور ان کے لیے علیحدہ اختیار ات تجویز کیے جائیں ۔یاد رہے کہ وائس چیئرمینز نے بھی مالی اور انتظامی اختیارات کے لئے کنونشن منعقد کرنے کے بعد گزشتہ جمعرات کو 180ماڈل ٹاؤن کے باہر احتجاج کیا تھا ۔ صوبائی وزیر منشا اللہ بٹ کی قیادت میں حکومتی وفد سے مذاکرات کے بعد وائس چیئرمین نے آج پیر کے روز دوبارہ ملاقات اور پیشرفت سے آگاہ کرنے کی یقین دہانی پر اپنا احتجاج ملتوی کر دیا تھا۔
