کراچی (مانیٹرنگ ڈیسک) پیپلز پارٹی کے اعلامیہ کے مطابق پاکستان مسلم لیگ (ن)کے رہنما محمد داد خان خٹک نے پیپلز پارٹی میں شمولیت اختیار کر لی ہے۔ محمد داد خان نے پیپلز پارٹی پارلیمنٹرین کے صدر آصف علی زرداری سے بلاول ہاؤس میں ملاقات کی۔ ملاقات میں ملکی سیاسی صورتحال پر
تبادلہ خیال کیا گیا۔ انہوں نے مسلم لیگ (ن)کو خیر باد کہہ کر پیپلز پارٹی میں شمولیت کا اعلان کیا۔اس موقع پر سردار علی خان بھی موجود تھے ۔ جبکہ شریک چیئرمین پیپلز پارٹی آصف زرداری کی جانب سے محمد خان خٹک کے فیصلے کا خیر مقدم کرتے ہوئے انہیں پیپلز پارٹی میں خوش آمدید کہا گیا ہے۔
