اتوار‬‮ ، 23 فروری‬‮ 2025 

’’صحیح کو صحیح اور غلط کو غلط کہنے کا وقت آ گیا‘‘ شہبازشریف فوری طور پر( ن) لیگ کی قیادت سنبھالیں ورنہ

datetime 20  اکتوبر‬‮  2017
ہمارا واٹس ایپ چینل جوائن کریں

اسلام آباد (مانیٹرنگ ڈیسک)وفاقی وزیربرائے بین الصوبائی رابطہ ریاض حسین پیرزادہ نے کہاہے کہ نواز شریف پر مقدمات ہیں ‘شہباز شریف آگے آکر مسلم لیگ (ن)کی قیادت سنبھالیں ورنہ پارٹی میں خلاءپیداہوگا‘ صحیح کو صحیح اور غلط کو غلط کہنے کا وقت آگیا ہے‘ پاکستان میں انصاف کے لئے چار ایماندار ججوںکی ضرورت ہے چاہے وہ مسلم لیگ ن فراہم کرے یا فوج،قوم کو انصاف چاہیے، وقت آگیا ہےکہ پارلیمانی رہنما

اپنے ضمیر کے مطابق ووٹ دیں ‘پارلیمنٹ نے مسائل حل نہ کیے تو عدلیہ،فوج کو کچھ کرنا پڑیگا ‘ملک میں نا انصافی بڑھ گئی ، حکومتیں کرپشن کے الزامات پر الٹی ہیں، ہم خود احتسابی کر رہے ہوتے تو آج اضطرابی کیفیت نہ ہوتی۔ان خیالات کا اظہار انہوں نے جمعرات کو یہاں نیشنل پریس کلب میں میٹ دی پریس سے خطاب کرتے ہوئے کیا۔ریاض پیرزادہ نے کہا کہ میرا اس جمہوریت سے کیا واسطہ جس میں خود میری حکومت مجھے دہشت گرد کہے جس میں عوام کے مسائل حل نہ ہوں اور جن کے بیرون ملک اکاؤنٹ ہیں انہیں شہری کے حقوق حاصل ہوں اور وہ جرائم بھی کریں تو پروٹوکول کے ساتھ پھریں۔اراکین پارلیمنٹ سے متعلق انٹیلی جنس بیورو (آئی بی) کے مبینہ جعلی فہرست کے حوالے سے ریاض پیرزادہ نے کہا کہ 37 اراکین پارلیمنٹ کی اس فہرست کی خطرناک بات یہ ہے کہ اگر امریکی صدر ڈونلڈ ٹرمپ یہ کہہ دیں کہ پاکستان کی اسمبلیوں میں بھی دہشت گرد بیٹھے ہیں تو پھر ہمارے ساتھ کیا سلوک ہوگا جبکہ اس سے ظاہر ہوتا ہے کہ ملک میں عدل و انصاف موجود نہیں، وزیر اعظم کی بات کو ہم نے قبول کرلیا لیکن کبوتر کی آنکھیں بند ہیں۔ان کا کہنا تھاکہ ٹیکنوکریٹس ملک کے مسائل حل نہیں کر سکتے ٗلوگ ٹیکنوکریٹس کی باتیں ملک کی بقا کیلئے کرتے ہیں اور اس میں حقیقت بھی ہے کیونکہ اس وقت ملک کے حالات ایسے ہیں کہ لوگ ذہنی انتشار کا شکار ہیں، کوئی

ادارہ ڈیلیور نہیں کر پارہا اور سیاستدانوں نے عوام کو مایوس کیا‘ اگر پارلیمنٹ اور سیاستدان عوامی مسائل حل نہیں کرسکتے تو فوج کے کردار ادا کرنے پر کسی کو کیا گلہ ہوگا ٗپھر جو خون دیتا ہے ملک کی حفاظت بھی وہی کرے گا تاہم موجودہ آرمی چیف اپنے ادارے کو ایسے ایڈونچر میں کبھی نہیں ڈالیں گے لیکن اگر پارلیمنٹ اپنا کردار ادا نہیں کرتی تو فوج و عدلیہ کو اپنا کردار ادا کرنا ہوگا۔

موضوعات:



کالم



ازبکستان (مجموعی طور پر)


ازبکستان کے لوگ معاشی لحاظ سے غریب ہیں‘ کرنسی…

بخارا کا آدھا چاند

رات بارہ بجے بخارا کے آسمان پر آدھا چاند ٹنکا…

سمرقند

ازبکستان کے پاس اگر کچھ نہ ہوتا تو بھی اس کی شہرت‘…

ایک بار پھر ازبکستان میں

تاشقند سے میرا پہلا تعارف پاکستانی تاریخ کی کتابوں…

بے ایمان لوگ

جورا (Jura) سوئٹزر لینڈ کے 26 کینٹن میں چھوٹا سا کینٹن…

صرف 12 لوگ

عمران خان کے زمانے میں جنرل باجوہ اور وزیراعظم…

ابو پچاس روپے ہیں

’’تم نے ابھی صبح تو ہزار روپے لیے تھے‘ اب دوبارہ…

ہم انسان ہی نہیں ہیں

یہ ایک حیران کن کہانی ہے‘ فرحانہ اکرم اور ہارون…

رانگ ٹرن

رانگ ٹرن کی پہلی فلم 2003ء میں آئی اور اس نے پوری…

تیسرے درویش کا قصہ

تیسرا درویش سیدھا ہوا‘ کھنگار کر گلا صاف کیا…

دجال آ چکا ہے

نیولی چیمبرلین (Neville Chamberlain) سرونسٹن چرچل سے قبل…