لاہور(آئی این پی)وزیر اعلیٰ پنجاب محمد شہباز شریف نے جناح ہسپتال میں خاتون ظہراں بی بی کی ٹھنڈے فرش پر ہلاکت کے معاملے پر سیکرٹری پراسیکیوشن کی انکوائری رپورٹ مسترد کر دی ۔وزیر اعلیٰ پنجاب محمد شہباز شریف نے ایڈیشنل چیف سیکرٹری سی اینڈ ڈبلیو میاں مشتاق احمد کو نیا انکوائری آفیسر مقرر کرتے
ہوئے اس واقعے کی دوبارہ انکوائری رپورٹ مرتب کرنے کی ہدایت کر دی ہے ۔ قصور کی رہائشی ظہراں بی بی کو ا س کے اہل خانہ طبیعت خراب ہونے پر رواں سال 2جنوری کو علاج کی غرض سے لاہور لائے تھے جہاں تین ہسپتالوں میں شٹل کاک بننے کے بعد خاتون نے جناح ہسپتال کے ٹھنڈے فرش پر دم توڑ دیا تھا۔
