اسلام آباد(مانیٹرنگ ڈیسک)خیبرپختونخواہ میں ن لیگ کو بڑا جھٹکا، اہم رہنما نے پارٹی چھوڑ کر پیپلزپارٹی میں شمولیت اختیار کر لی۔ تفصیلات کے مطابق پیپلزپارٹی نے خیبرپختونخواہ میں مسلم لیگ ن کی اہم وکٹ اڑا دی ہے۔ سابق رکن صوبائی اسمبلی دوست محمد خان نے پیپلزپارٹی میں شمولیت کا اعلان کر دیا ہے۔ انہوں نے لاہور بلاول ہائوس میں پارٹی کے کو چیئرمین آصف علی زرداری سے ملاقات

میں ن لیگ چھوڑ کر پیپلزپارٹی میں شامل ہونے کا اعلان کیا۔ اس موقع پر پیپلزپارٹی کے اہم رہنما بھی موجود تھے۔ دوست محمد خان نے اس موقع پر اپنی سابقہ جماعت پر تنقید کرتے ہوئے کہا کہ ن لیگ میں تنظیم سازی ہے اور نہ ہی کارکنوں کی کوئی قدرہے۔ واضح رہے کہ 2013میں دوست محمد خان پیپلزپارٹی کا حصہ تھے اور انہوں نے پیپلزپارٹی کو چھوڑ کر ن لیگ میں شمولیت اختیار کی تھی۔