اسلام آباد(مانیٹرنگ ڈیسک)سیاستدان ، بیوروکریٹ اور بزنس ٹائیکون بلیک منی وائٹ کیسے کرتےتھے اور 1کروڑ سے 99کروڑ کیسے بناتے ہیں، نجی ٹی وی پروگرام میں معروف صحافی اسد کھرل کے ہوشربا انکشافات۔ تفصیلات کے مطابق نجی ٹی وی پروگرام میں گفتگو کرتے ہوئے معروف صحافی اسد کھرل نے انکشاف کرتے ہوئے بتایا ہے کہ ہمارے سیاستدان،

بیوروکریٹ اور بڑے بڑے بزنس ٹائیکون نے اربوں روپے کا ایک لوپول بنایا ہوا تھا وہ سبوتاژ ہو گیا ہے۔ یہ لوگ بیرون ملک کیسینو (جوا خانہ)میں ایک ارب روپے لے جاکر جمع کرواتے تھے جبکہ اس میں سے ایک کروڑ روپے کا جوا کھیلتے تھے اور 99کروڑ روپیہ وننگ منی(جیتی ہوئی رقم)کے نام سے ان کے اکائونٹ میں ٹرانسفر کر دیا جاتا تھا اور اس کے اوپر ٹیکس نہیں ہوتا تھا اور کوئی ملک ان سے اس رقم کے بارے میں نہیں پوچھتا تھا، انہوں نے یہ ایک واردات بنائی ہوئی تھی، اب کیسینو(جوا خانہ)کے اوپر ایک نیا قانون آگیا ہے، اب اگر کوئی کیسینو (جوا خانہ)میں رقم لے کر جاتا ہے تو اس سے پوچھا جاتا ہے کہ یہ رقم آپ نے کہاں سے کمائی، جس کا پورا پروف دینا پڑتا ہے اب، لہٰذا اب یہ کہا جا سکتا ہے کہ شریف خاندان کے خلاف لندن میں بھی شکنجہ کسا جا رہا ہے کیونکہ ان کی پراپرٹی لندن کے اندر بہت زیادہ ہیں، یہاں صرف پارک لین فلیٹ کے حوالے سے بات کی جا رہی ہے مگروہاں اربوں روپے کی پراپرٹی ہیں شریف خاندان کی۔ اس قانون کے تحت وہ شاید پاکستان میں تو شاید بچ جائیں مگر وہاں سے ان کے بچنے کی کوئی امید نہیں۔ اسد کھرل نے اس حوالے سے کیا کہا۔۔ویڈیو ملاحظہ کریں!