لاہور (مانیٹرنگ ڈیسک) ) وزیر قانون پنجاب رانا ثناء اللہ خان نے کہا کہ مجھے لگ رہا ہے لاہور سے اغواء کیے گئے ترک شہریوں کو ڈی پورٹ کردیا گیا ہے ، اگر ترک شہریوں کو ڈی پورٹ کیا گیا ہے تو قانون کے مطابق ہی کیا گیا ہو گا ، ترک شہریوں کو اٹھانے اور ڈی پورٹ کے معاملے کی پوچھ گچھ ہونی چاہیے ۔ وہ بدھ کو نجی ٹی وی پروگرام سے گفتگو کر رہے تھے ۔ انہوں نے کہا کہ مجھے لگ رہا ہے کہ ترک شہریوں کو ڈی
پورٹ کر دیا گیا ہے ۔ مگر مجھے ان کے ڈی پورٹ کیے جانے کا سرکاری طور پر علم نہیں ہے ۔ اگر ترک شہریوں کو ڈی پورٹ کیا گیا ہے تو قانون کے تحت ہی کیا گیا ہو گا ۔ رانا ثناء اللہ نے کہا کہ ترک شہریوں کو اٹھانے اور ڈی پورٹ کے معاملے کی پوچھ گچھ ہونی چاہیے ۔ اچھا ہے کہ اس معاملے پر عدلیہ اور میڈیا سوال اٹھا رہا ہے ۔ یہ جس نے بھی کیا غلط کیا ہے ایسا نہیں ہونا چاہیے ۔
