اسلام آباد (مانیٹرنگ ڈیسک) سابق وزیراعظم میاں محمد نواز شریف کے داماد کیپٹن (ر) صفدر پولیس افسر کو خفیہ ادارے کا اہلکار سمجھ بیٹھے۔ تفصیلات کے مطابق سابق وزیراعظم میاں محمد نواز شریف کے داماد کیپٹن (ر) کے حواس پر آئی ایس آئی اور ایم آئی اتنا چھائی ہے کہ نیب عدالت میں پیشی کے موقع پر عدالت کے احاطہ میں موجود اسلام آباد پولیس کے افسر کو کیپٹن (ر) صفدر خفیہ ادارے کا اہلکار سمجھ بیٹھے۔ جمعہ کے دن نیب ریفرنسز کے سلسلے میں نیب عدالت میں اہم سماعت
تھی، عدالت میں سامنے کی نشستوں پر کیپٹن (ر) صفدر اور ان کی اہلیہ مریم نواز کو بٹھایا جانا تھا لیکن پہلے سے وہاں پر ایک شخص ان کی سیٹوں پر موجود تھا جس سے کیپٹن (ر) صفدر نے پوچھا کہ تمہارا تعلق آئی ایس آئی سے ہے یا ایم آئی سے۔ جس پر اس اہلکار نے جواب دیتے ہوئے کہا کہ نہیں میرا تعلق اسلام آباد پولیس کی سپیشل برانچ سے ہے اور وہ ان کی نشست محفوظ رکھنے کی خاطر وہاں موجود ہے، سپیشل برانچ کے اس افسر کی وضاحت کے بعد دونوں اپنی نشستوں پر بیٹھ گئے۔
