اسلام آباد (مانیٹرنگ ڈیسک) قادیانیوں کو کبھی بھی مسلمان نہیں کہا، کیپٹن(ر)صفدر کی پارلیمنٹ میں تقریر درست مگر فوج میں قادیانیوں والی بات غلط ہے، صوبائی وزیر قانون رانا ثنا قادیانیوںکو مسلمان قرار دینے کے اپنے بیان سے مکر گئے۔ تفصیلات کے مطابق صوبائی وزیر قانونی رانا ثنا اللہ نے قادیانیوں کو مسلمان قرار دینے کے اپنے بیان سے لاتعلقی کا اظہار کرتے ہوئے کہا ہے کہ
مجھ سے یہ بیان غلط منسوب کیا گیا ہے۔ میں نے قادیانیوں کو بھی بھی مسلمان نہیں کہا۔ انہوںنے قادیانیوں کے حوالے سے سابق وزیراعظم نواز شریف کے داماد اور ممبر قومی اسمبلی کیپٹن(ر)صفدر کی پارلیمنٹ کی تقریر پر تبصرہ کرتے ہوئے کہا کہ کیپٹن(ر)صفدر نے پارلیمنٹ میں تقریر کرتے ہوئے جو کچھ کہا وہ سب درست ہے تاہم فوج میں قادیانیوں کے ہونے کے حوالے سے بات غلط ہے۔
