اسلام آباد(مانیٹرنگ ڈیسک)نجی ٹی وی اے آر وائی نیوز کے پروگرام’آف دی ریکارڈ‘ میںمیزبان کاشف عباسی کے سوال کا جواب دیتے ہوئے ملک کے معروف قانون دان اور پیپلزپارٹی کے سینئر رہنما بیرسٹر اعتزاز احسن
کا کہنا تھا کہ کیپٹن صفدر نے پارلیمنٹ میں جو نعرے لگوائے ہیں اور ایوان میں جس طرح کی گفتگو کی ہے وہ ان کی بوکھلاہٹ کا ثبوت ہے۔ 30سال حکمران رہنے والوں کو اقتدار سے نکلنے پر تکلیف ہو رہی ہے۔ پروگرام کے میزبان اینکر کاشف عباسی نے جب ان سے سوال کیا کہ کیپٹن صفدر کی ایوان میں تقریر کس کی طرف اشارہ تھی اس سے قبل بھی اس طرح کی ایک کمپین لانچ کی گئی تھی تو اس سوال کا جواب دیتے ہوئے بیرسٹر اعتزاز احسن کا کہنا تھا کہ میری جاٹ برادری میں بھی کئی احمدی ہیں اور باجوہ برادری میں بھی احمدی موجود ہیں جو کہ کوئی ڈھکی چھپی بات نہیں، کیپٹن صفدرکا اشارہ سیدھا سیدھا آرمی چیف کی جانب تھا جس پر آئی ایس پی آر نے اس بات کی کلیریفکیشن بھی کی ہے۔مگر یہ تو تصادم کی طرف اور گھٹیا باتوں پر اتر آئے ہیں۔ پارلیمنٹ کی سیڑھیوں سے اترتے ہوئے کیپٹن صفدر نےجو عیسائیوں کا یار ہے ، غدار ہے غدار ہے، جو ہندوئوں کا یار ہے ، غدار ہے غدار، جو احمدیوں کا یار ہے وہ غدار ہے غدار ہے کے نعرے لگوائے۔
