پشاور(این این آئی)پشاور میں تیرہ اکتوبر کو عمران خان کے جلسے پر ضلعی انتظامیہ کی جانب سے الیکشن کمیشن کو جواب ارسال کردیاگیا۔ تحریک انصاف کا جلسہ این اے ٹومیں ہوگا جس پر پابندی کا اطلاق نہیں ۔ضلعی انتظامیہ کے مطابق الیکشن کمیشن نے این اے چار کی حدودمیں جلسوں پرپاپندی عائدکی ہے ۔ الیکشن کمیشن کے حکم کے مطابق کسی کواین اے چار میں جلسے

کی اجازت نہیں دی جائے گی ۔ پی ٹی آئی کاجلسہ این اے دو کی حدود میں ہورہاہے ۔ این اے دو کے علاقے لنڈی اخون احمد میں جلسے پر پابندی عائد نہیں کی گئی ہے ۔ الیکشن کمیشن نے عمران خان کا تیرہ اکتوبر کو ہونے والے جلسے پر نوٹس لے لیا تھا ۔ پشاور الیکشن کمیشن نے ڈپٹی کمشنر کو جلسے کی اجازت نہ دینے کے لیے مراسلہ بھیجاتھا جس کاجواب دیدیا۔