اسلام آباد(این این آئی) علامہ اقبال اوپن یونیورسٹی کے وائس چانسلر ٗ پروفیسر ڈاکٹر شاہد صدیقی نے زیادہ سے زیادہ لوگوں کو فاصلاتی نظام تعلیم سے مستفید کرنے کے لئے ایم فل اور پی ایچ ڈی پروگرامز کے علاوہ دیگر تمام تعلیمی پروگرامز کے داخلوں کی تاریخ میں 23۔اکتوبر تک توسیع کی منظوری دے دی ہے ٗ ایم فل اور پی ایچ ڈی پروگرامز کے داخلہ ٹیسٹ کا اعلان قبل ازیں کیا

جاچکا ہے۔ان پروگرامز کے داخلہ ٹیسٹ 15سے 20۔اکتوبر کے درمیان منعقد کئے جائیں گے اور کامیاب امیدواروں کی میرٹ لسٹ 31۔اکتوبر کو یونیورسٹی کی ویب سائٹ پر جاری کر دی جائے گی۔نئے شیڈول کے مطابق ایم فل اور پی ایچ ڈی پروگرامز کے جاری طلبہ و طالبات 23۔اکتوبر تک داخلہ حاصل کرسکتے ہیں ۔ ِ میٹرک پروگرام میں داخلے کے لیٹ فیس چارجز 100۔روپے ٗ ایف اے

اور بی اے کے لئے 200۔روپے جبکہ پوسٹ گریجویٹ/بی ایڈ پروگرامز کے لئے 500۔روپے مقرر کئے گئے ہیں۔داخلہ فارم اور پراسپکٹس اسلام آباد میں واقع یونیورسٹی کے مین کیمپس اور ملک کے مختلف شہروں میں موجود علاقائی دفاتر/رابطہ دفاتر میں قائم سیل پوائنٹس سے دستیاب ہیں۔ طلبہ کی سہولت کے لئے تمام پروگرامز کے پراسپکٹس اور داخلہ فارمز یونیورسٹی کی ویب سائٹ www.aiou.edu.pkسے بھی حاصل کئے جاسکتے ہیں۔