اسلام آباد (مانیٹرنگ ڈیسک )ٹچ موبائل نہ خرید کر دینے پر اکلوتے بیٹے نے خود کشی کر لی ۔نجی ٹی وی کے مطابق ڈگری میں محلہ کمار کے رہائشی نور محمد کے بیٹے شہزاد نے والد سے ٹچ موبائل خرید کر دینے کی خواہش کا اظہار کیا۔لیکن نور محمد نے مالی مجبوریوں کے پیش نظر اسے ٹچ موبائل دلانے سے انکار کر دیا جس پر 14سالہ شہزاد اس قدر دلبرداشتہ ہوا کہ اس نے

کالاپتھر پی لیا ۔حالت غیر ہونے پر اسے مقامی ہسپتال لے جایا گیا مگر انہوں نے اسکی حالت کے پیش نظر اسے حیدر آباد لے جانے کا مشور ہ دے دیا ۔حیدر آباد لے جاتے ہوئے لڑکا راستے میں دم توڑ گیا ۔ محلے داروں کے مطابق جاں بحق ہونے والا شہزاد اپنے والدین کا اکلوتا بیٹا تھا۔لاش جیسے ہی گھر پہنچی تو کہرام مچ گیا ۔والدین غم سے نڈھال ہیں ۔علاقے کی فضا سوگوار ہے ۔