اسلام آباد (نیوز ڈیسک) پیپلز پارٹی کے سینیٹر اور سینئر وکیل سپریم کورٹ اعتزاز احسن نے کہا ہے کہ سندھ کی ناکامی کے پیچھے نیب اور رینجرز کا ہاتھ ہے۔ ان خیالات کا اظہار انہوں نے نجی ٹی وی چینل کے پروگرام میں گفتگو کرتے ہوئے کیا ۔ انہوں نے کہا کہ ان دونوں اداروں نے سندھ حکومت کو اپنا کردار ادا نہیں کرنے دیا۔ انہوں نے مزید کہا کہ سندھ حکومت کو سابق چیف جسٹس افتخار محمد چوہدری نے بھی چلنے نہیں دیا۔

انہوں نے کہا کہ سابق وزیراعظم کسی کا نام بتاتے نہیں اور سازشوں کے راگ الاپ رہے ہیں۔ انہوں نے کہا کہ اس ملک کیلئے پیپلز پارٹی سے زیادہ قربانیاں اور شہادتیں کسی کی نہیں ہیں جو حالات چل رہے ہیں ان میں پیپلز پارٹی کو تمام صوبوں میں یکجا ہو کر کام کرنے کی ضرورت ہے۔ ایک سوال کے جواب میں انہوں نے کہا کہ جب کوئی مجھ سے مشورہ کرے گا تو پھر مشورہ دوں گا۔