لاہور (آن لائن) تحریک انصاف کے رہنما گلوکار ابرار الحق کا وزیرداخلہ احسن اقبال کی اہلیت چیلنج کرنے کا فیصلہ ،ابرارالحق قانونی ماہر بابراعوان سے مشاورت کے بعد پٹیشن دائر کریں گے۔ وزیر خارجہ خواجہ آصف کی اہلیت کو چیلنج کرنے کے بعد تحریک انصاف کی نظریں احسن اقبال کی اہلیت پربھی پڑگئیں۔ احسن اقبال کی اہلیت کو ابرارالحق چیلنج کریں گے۔ ابرارالحق اپنے وکیل سے مشاورت
کے لیے لاہورہائیکورٹ پہنچ گئے۔ ابرارالحق کا کہنا ہے کہ وزیرادخلہ احسن اقبال نے کاغذات نامزدگی میں حقائق چھپائے اور اقامے سے متعلق دستاویزات کا کاغذات نامزدگی میں ذکر نہیں کیا جس کے باعث احسن اقبال آئین کے آرٹیکل 62،63پرہورا نہیں اترتے ابرارالحق کا کہنا ہے وہ اپنے وکیل بابر اعوان سے مشاورت کرنے کے بعد آئندہ چند روزمیں احسن اقبال کی اہلیت کو چیلنج کریں گے۔
