اسلام آباد (این این آئی)وزیرخزانہ اسحاق ڈار کے خلاف ریفرنس کا اہم گواہ نادرا کا برطرف افسر نکلا۔ نجی ٹی وی کی رپورٹ کے مطابق قابوس حیدر کو محکمانہ ریکارڈ تک رسائی حاصل نہیں، عدالت میں گواہی مشکوک ہو گئی۔وزیر خزانہ کیخلاف اہم گواہ قابوس حیدر کو شہادت کیلئے تیار رہنے کا نوٹس دیا گیا ہے تاہم یہ بات
سامنے آئی ہے کہ قابو س حیدر کور ڈائریکٹر نادرا کے عہدے سے برطرف کر دیا گیا تھا اس لئے قابوس حیدر کی محکمانہ ریکارڈ تک رسائی نہیں اور قانون کی رو سے وہ بغیر ریکارڈ احتساب عدالت میں بیان ریکارڈ نہیں کرا سکتے۔
