اسلام آباد (آئی این پی) صدر ممنون حسین نے سبکدوش ہونے والے چینی سفیر سن وی ڈونگ کو ہلال پاکستان کا اعزاز عطا کیا‘ اعزاز پاکستان اور چین کو مزید قریب لانے میں سن وی ڈونگ کی شاندار خدمات پر عطا کیا گیا۔ جمعرات کو صدر ممنون حسین نے پاکستان میں چین کے سفیر سن وی ڈونگ کو ہلال پاکستان کا اعزاز عطا کیا۔ اعزاز دینے کی پروقار تقریب صدر ہائوس اسلام آباد میں ہوئی۔
اعزاز دونوں ملکوں کو مزید قریب لانے کے سلسلے میں سن وی ڈونگ کی شاندار خدمات پر عطا کیا گیا تقریب میں وزیر داخلہ احسن اقبال‘ اعلیٰ سول و فوجی حکام نے شرکت کی۔
