لاہور ( این این آئی) لاہور کے علاقے بند روڈ پر دو موٹر سائیکلیں بے قابو ہوکر آپس میں ٹکرا گئیںجس کے نتیجے میں ایک شخص موقع پر ہی جاں بحق ہوگیا جبکہ دوسری موٹر سائیکل پر سوار پانچ سالہ بچی سمیت نوجوان کو تشویشناک حالت میں ہسپتال منتقل کردیا گیا ۔بتایا گیا ہے کہ بند روڈ پر ٹریفک حادثہ پیش آیاہے جس میں دو موٹر سائیکلیں بے قابو ہوکر آپس میں ٹکرا گئیں۔ حادثے میں
موٹر سائیکل سوار سلمان موقع پر ہی جاں بحق ہوگیا جبکہ دوسری موٹر سائیکل پر سوار پندرہ سالہ راحیل اور پانچ سالہ مقدس شدید زخمی ہوگئے۔ ریسکیو 1122نے موقع پر پہنچ کر زخمیوں کو طبی امداد کے لئے میو ہسپتال منتقل کردیا ہے۔ جاں بحق شخص کی لاش کو مردہ خانے منتقل کردیا گیا ہے۔
