اسلام آباد(مانیٹرنگ ڈیسک) عمران خان سوشل میڈیا سائٹ پر بھی سیاسی مخالفین پر چوٹ کرنے کا کوئی موقع ہاتھ سے نہیں جانے دیتے اور اس مقصد کیلئے وہ سماجی رابطوں کی ویب سائٹ ٹویٹر کو خوب استعمال کرتے نظر آتے رہتے ہیں۔ کپتان کی جانب سے ٹویٹر پر اپنے ایک پیغام میں اس بار انہوں نے اپنے کسی سیاسی مخالف پر چوٹ نہیں کی بلکہ ایک ایسی ویڈیو شیئر کی ہے
جس پر تنقید کرنے کے ساتھ صارفین محظوظ بھی ہورہے ہیں ۔ چیئرمین تحریک انصاف نے ٹویٹر پر ایک ویڈیو شیئر کی ہے جس میں دیکھا جا سکتا ہے کہ ایک آدمی نے اپنے سمیت موٹر سائیکل پر آٹھ بچوں کو سوار کر رکھا ہے ، اس ویڈیو کو شیئر کرتے ہوئے اپنے پیغام میں عمران خان کا کہنا تھا کہ ’جہاں خواہش ہوتی ہے ، وہاں راستہ نکل ہی آتاہے‘۔ عمران خان کی جانب سے ویڈیو اور پیغام ٹویٹر پر سامنے آتے ہی سوشل میڈیا صارفین کی ایک بڑی تعداد نے ویڈیو میں موجود شخص کو ایک موٹر سائیکل پر اپنے سمیت 8بچوں کو سوار کرانے پر شدید تنقید کی وہیں کچھ لوگوں نے عمران خان پر بھی نشتر چلا دئیے۔ انوار الاسلام نامی ایک ٹویٹر صارف نے اپنے پیغام میں لکھا ہے کہ ’’مولوی بھی دل رکھتے ہیں‘‘۔ اظہر نامی صارف کا کہنا تھا کہ ’’تحریک انصاف کے کارکنان جلسے میں شرکت کیلئے آرہے ہیں‘‘۔عائشہ گلالئی کے نام سے موجود اکائونٹ سے ایک صارف کا کہنا تھا کہ ’’نیازی صاحب لگتا ہے نشے کا اثر زیادہ چڑھ گیا ہے ، ویسے بھی رات کو آپ ہوش میں نہیں رہتے۔‘‘
Where there is a will there is a way! pic.twitter.com/S4jgZXD29R
— Imran Khan (@ImranKhanPTI) September 22, 2017
MOLIVS bhee dil rakhte hain
— Anwaar UL Islam (@AnwaarULIslam_) September 22, 2017
. @ImranKhanPTI نیازی صاحب لگتا ہے نشے کا اثر زیادہ چڑھ گیا ہے، ویسے بھی رات کو آپ حوش میں نہیں رہتے۔۔ #DrugAddict
— Ayesha Gulalai (@AyeshaGuIaIai) September 22, 2017
