فیصل آباد(آئی این پی ) سرگودھا روڈ پر بس کی ٹکر سے طالب علم جاں بحق ہوگیا مشتعل طلبا نے 6 بسیں نذر آتش کردیں۔تفصیلات کے مطابق فیصل آباد میں سرگودھا روڈ پر تیز رفتار بس طالب علم پر چڑھ دوڑی جس کے نتیجے میں طالب علم جاں بحق ہوگیا۔واقعے کے بعد طالب علم کے ساتھی طلبا مشتعل ہوگئے اور سرگودھا روڈ پر پتھرا شروع کردیا جب کہ طلبا نے یکے بعد دیگر ے 6 بسوں کو بھی نذر آتش کردیا۔واقعے کی اطلاع ملنے پر پولیس اور فائر بریگیڈ کی گاڑیاں موقع پر پہنچیں

اور آگ بجھانے کی کوشش کی لیکن طلبا نے ان پر بھی پتھرا کردیا۔طلبا کے شدید احتجاج اور پتھرا سے سرگودھا روڈ پر متعدد گاڑیوں کے شیشے ٹوٹ گئے اور ٹریفک بھی معطل ہو گئی جب کہ طلبا نے عام شہریوں اور میڈیا نمائندوں کو تشدد کا نشانہ بنایا۔سرگودھا روڈ پر کشیدگی کے باعث دکانیں اور مارکیٹیں مکمل طور پربند ہوگئیں۔پولیس نے کوشش کے بعد حالات پر قابو پالیا اور طلبا منتشر ہوگئے جس کے بعد فائر بریگیڈ کے عملے نے نذر آتش کی جانیو الی گاڑیوں کی آگ بجھادی۔