لاہور: این اے 120 میں اپنی والدہ بیگم کلثوم نواز کی کامیاب انتخابی مہم چلانے کے بعد مریم نواز آج لندن روانہ ہو جائیں گی۔ ذرائع کے مطابق مریم نواز اپنی والدہ کی عیادت کے لیے لندن جا رہی ہیں۔ وہ این اے 120 کی انتخابی مہم میں شریک ہونے کی وجہ سے لندن نہیں جا سکی تھی۔اب اطلاعات ہیں کہ وہ آئندہ 24 گھنٹوں

میں لندن کےلیے روانہ ہو جائیں گی۔ ذرائع کا مزید بتانا ہے کہ مریم نواز آئندہ چند روز خاندان کے ساتھ لندن میں ہی رہیں گی۔گزشتہ روز این اے 120 ضمنی الیکشن کی کامیابی کے بعد مسلم لیگ ہاؤس میں کارکنوں سے خطاب کرتے ہوئے کلثوم نواز کی صاحبزادی مریم نواز نے کہا کہ مسلم لیگ کے شیرو آپ کو مبارک ہو اور سب سے پہلے اللہ کا شکر کرو کہ اللہ نے آپ کے لیڈر نواز شریف کو سرخرو کیا ہے۔ان کا کہنا تھا کہ نواز شریف اور والدہ کا فون آیا اور انھوں نے کہا کہ سب سے پہلے کارکنوں کا شکریہ ادا کرنا۔دوسری جانب این اے 120 کے الیکشن کے بعد پی ٹی آئی نے اعلان جنگ کر دیا،نتائج ماننے سے انکار،این اسے 120سے تحریک انصاف کی امیدوار ڈاکڑ یاسمین راشد نے میڈیا کے نمائندوں سے گفتگو کرتے ہوئے لوگوں اور میڈیا کے نمائندوں کا شکریہ ادا کیا اور کہا کہ ابھی وہ تمام حلقو ں سے نتائج اکھٹے کر رہی ہیں اس کے بعد ہی پارٹی کے لائحہ عمل کا اعلان کیا جائے گا،انھوں نے مزید کہا ابھی جنگ ختم نہیں ہوئی۔یاسمین راشد کا کہنا تھا کہ ابھی تمام رزلٹ سامنے نہیں آئے۔ان نے الیکشن کمیشن پر شدید تحفظات کا اظہار کیا۔اس موقع پر تحریک انصاف  راہنما اعجاز چوہدری  بھی انکے ساتھ موجود تھ۔ اعجاز چوہدری نے اس الیکشن کے خلاف عدالت جانے کا اعلان کر دیا۔ حلقے سے 29 ہزار ووٹوں کی منتقلی پر اعتراض اُ ٹھایا اور انکا کہنا تھا ہم اس الیکشن کا نتیجہ اُسی صورت میں تسلیم کریں گئے جبکہ ان ووٹوں کا فیصلہ نہیں ہو جاتا۔