اسلام آباد (مانیٹرنگ ڈیسک) سابق وزیراعظم نواز شریف کی بیٹی مریم نواز بھی باپ کے نقش قدم پر۔ تفصیلات کے مطابق سابق وزیراعظم نواز شریف کی بیٹی اور مسلم لیگ (ن) کی رہنما مریم نواز نے احتساب عدالت کو چیلنج کر دیا کہ نواز شریف نیب کورٹ نہیں جائیں گے اگر عدالت گرفتار کرنا چاہتی ہے تو کر لے۔ میڈیا سے گفتگو کے دوران ایک سوال کے جواب میں مریم نواز نے کہا کہ میں مسلم لیگ (ن) کا میڈیا سیل چلاتی ہوں
گورنمنٹ کا نہیں اور یہ حق کوئی مجھ سے چھین نہیں سکتا۔ انہوں نے کہا کہ انہیں پارٹی میں نوجوان ورکروں کی حمایت حاصل ہے۔ انہوں نے واضح کیا کہ ان کی والدہ کلثوم نواز شریف کو ٹکٹ پارٹی مشاورت کے بعد دیا گیا۔ انہوں نے جے آئی ٹی سے متعلق سوال کے جواب میں کہا کہ ہم سے پرسنل سوال کئے گئے اور فیصلہ اقامہ کو بنیاد بنا کر سنایا گیا جس کا کیس میں کہیں نام و نشان ہی نہ تھا۔
