اسلام آباد(مانیٹرنگ ڈیسک) باجوڑ ایجنسی میں ریموٹ کنٹرول بم دھماکے میں پولیٹیکل تحصیلدار فواد علی سمیت 5افراد شہید، متعدد لیویز اہلکار زخمی۔ تفصیلات کے مطابق باجوڑ ایجنسی کی تحصیل لوئی ماموند کے علاقے تنگی گڑیگال میں سڑک کنارے نصب ریموٹ کنٹرول بم دھماکے کے نتیجے میں پولیٹیکل تحصیلدار
فوادعلی سمیت 5افراد شہید ہو گئے ہیں جبکہ دھماکے کی زد میں آکر متعدد لیویز اہلکار بھی شدید زخمی ہیں۔ واقع کی اطلاع ملتے ہی سکیورٹی فورسز کی بھاری نفری جائے وقوعہ پر پہنچ گئی اور علاقے کو گھیرے میں لیکر سرچ آپریشن شروع کر دیا گیا ہے جبکہ لاشوں اور اور زخمیوں کو ہسپتال منتقل کر دیا گیا ہے۔
