کراچی(آن لائن ) کراچی میں ہاکس بے کے ساحل پر سمندر میں نہاتے ہوئے خواتین وبچوں سمیت ایک ہی خاندان کے12افراد ڈوب کر جاں بحق ہوگئے ،ڈوبنے والے تمام افراد کی لاشیں نکال لی گئی ہیں ۔ریسکیو حکام کے مطابق کراچی کے ساحلی علاقے ہاکس بے کے قریب پکنک منانے کے لئے آنے والے 12 افراد سمندر میں نہاتے ہوئے ڈوب گئے ۔ڈوبنے والے تمام افراد کا تعلق ضلع وسطی سے ہے ،ڈوبنے والوں میں صغراں بی بی،پروین اسلم،آمنہ ،سعود،عاطف ،طحٰہ اور دیگر شامل ہیں ۔
ایس پی کیماڑی کے مطابق دفعہ 144کے نافذ تھی اور اس فیملی کو پولیس اور ریسکیو حکام کی جانب سے سمندر میں نہانے سے منع بھی کیا گیا تھا۔لیکن منع کرنے کے باوجود فیملی سمندر میں نہانے سے باز نہیں آئی۔دوسری جانب وزیر اعلیٰ سندھ نے واقعے کا نوٹس لیکر وزیر داخلہ سے رپورٹ طلب کرلی ہے ،جبکہ چیئرمین پیپلزپارٹی بلاول بھٹو زرداری اور میئر کراچی وسیم اختر نے 12قیمتی جانوں کے ضیاع پر گہرے دکھ کا اظہار کیا ہے
