اسلام آباد(مانیٹرنگ ڈیسک) پاکستان تحریک انصاف کے سربراہ عمران خان کے دست راست علیم خان کے ذاتی ملازم کے بیٹے کا والد کی تنخواہ نہ ملنے پر وڈیو پیغام سوشل میڈیا پر وائرل۔ تفصیلات کے مطابق عمران خان کے قریبی ساتھی اور مرکزی رہنما تحریک انصاف علیم خان کے

مبینہ ذاتی ملازم کے بیٹے کا وڈیو پیغام سوشل میڈیا پر وائرل ہو گیا ہے۔ وڈیو پیغام میں علیم خان کے مبینہ ذاتی ملازم کے بیٹے کا کہنا ہے کہ’’السلام علیکم ! عمران خان صاحب ، میں حمزہ جاوید آپ کے ورکر جاوید نذر کا بیٹا ہوں، میرے پاپا علیم خان انکل کے ذاتی میڈیا کا ورک کرتے ہیں، عمران خان صاحب علیم خان انکل نے عید سے صرف ایک دن پہلے میرے پاپا کی تنخواہ بغیر کسی وجہ کے روک دی ہے۔ بار بار ریکویسٹ کرنے پر بھی تنخواہ نہیں دے رہے، جس کی وجہ سے میں اور میںرے بہن بھائی عید نہیں منا سکتے، عمران خان صاحب! رزق اللہ تعالیٰ کے ہاتھ میں اور کوشش انسان کے ہاتھ میں ہوتی ہے، میرے پاپا نے جتنا کام پی ٹی آئی اور علیم خان کیلئے کیا ہے وہ ساری دنیا کے سامنے ہے، عمران خان صاحب! میں اور میری فیملی کی عید علیم خان انکل کی وجہ سے خراب ہوئی ہے، میں حمزہ جاویداپنے پاپا کی تنخواہ علیم خان انکل کو معاف کرتا ہوں اور یہ تنخواہ ان کے بچوں کو اپنی طرف سے عید دیتا ہوں، مجھے آپ سے اور اپنے پی ٹی آئی لورز سے امید ہے کہ وہ میری فیملی کی عید خراب نہیں ہونے دیں گے۔ انشااللہ، اللہ حافظ‘‘

موضوعات:علیم خان